تۆپخانه‌كانی‌ ئێران به‌رده‌وامن له‌ تۆپبارانكردنی‌ كوێستانه‌كانی‌ سنوری‌ ناحیه‌ی‌ ژاراوه‌.

"ئێران ماوه‌ی‌ یه‌ك هه‌فته‌یه‌ به‌ به‌رده‌وام تۆپبارانی‌ گوند و كوێستانه‌كانی‌ سنوری‌ ناحیه‌ی‌ ژاراوه‌ ده‌كات، سه‌رله‌ به‌یانی‌ ئه‌مڕۆش جارێكی‌ تر تۆپبارانی‌ ناوچه‌ كوێستانه‌كانی‌ گوندی‌ ڕه‌زگه‌ و سوره‌دێ‌ و سنین و شناوه‌ و سێگه‌ڵه‌ی‌ كرده‌وه‌.
 "ئێران ئاراسته‌ی‌ تۆپباراكردنی‌ گۆڕیوه‌ و ماوه‌ی‌ دو رۆژه‌ گوله‌ تۆپه‌كانی‌ ئاراسته‌ی‌ ناو گونده‌كان ناكات، به‌ڵكو له‌ ده‌وربه‌ری‌ گونده‌كان تۆپباران ده‌كات و به‌زۆری‌ كوێستانه‌كان ده‌گرێته‌وه‌.
 تۆپخانه‌كانی‌ ئێران زیاتر له‌ سێ‌ مانگه‌ به‌ به‌رده‌وامی‌ گوند و ناوچه‌ كوێستانه‌كانی‌ ناحیه‌ی‌ ژاراوه‌ تۆپباران ده‌كه‌ن و ناو گونده‌كانیان كردۆته‌ ئامانج، به‌و هۆیه‌شه‌وه‌ 125 خێزان ئاواره‌ی‌ ناحیه‌ی‌ ژاراوه‌ بون،  هاوكات 9 گوندیش به‌ته‌واوی‌ چۆڵكراون,و جگه‌ له‌وه‌ش زیانێكی‌ زۆریش به‌ر خانو و پرۆژه‌ و قوتابخانه‌كانی‌ ئه‌و گوندانه‌ كه‌وتوه‌.
جێی‌ ئاماژه‌یه‌ ماوه‌یه‌كه‌ به‌رپرسانی‌ هه‌رێم له‌ گه‌ڵ به‌رپرسانی‌ ئێران له‌ هه‌وڵی‌ ڕاگرتنی‌ تۆپبارانی‌ ناوچه‌ سنورییه‌كانی‌ هه‌رێمی‌ كوردستانن، به‌لاَم تائێستا نه‌توانراوه‌ كۆتایی‌ به‌م تۆپبارانه‌ بهێنرێت.

سبه‌ی.....