|
|
|
|
بازاڕییهکان و کاسبکاران و خهڵکی مهریوان بۆ پینجهمین ڕۆژی بهردهوام مانگرتنی خۆیان بۆ ناڕهزایهتی به گوشار و سهرکوتهکانی هێزه چهکدارهکانی حکوومهتی ئێران و داخرانی ڕێگهکانی کهسب و کاری خهڵک و بێکاری بهرین له ناوچهکه، درێژه پێداوه. ڕۆژی ههینی خهڵکی شاری مهریوان له بهر مزگهوتی جامیعهی شار کۆبوونهتهوه و به بهشداری نهکردن له نوێژی ههینیدا ناڕهزایی خۆیان دهربڕیوه. به پیی ئهو ههواڵه ژمارهیهک له دهستوپێوهندهکانی حکوومهت و ژمارهیهکی زۆر کهم خهڵکی دیکه له نوێژی ههینیدا بهشدارییان کردووه که لهگهڵ ناڕهزایی بهرینی خهڵک بهرهوڕووبوونهتهوه و خهڵک دوروشمی وهکوو استبداد و خونخواری در لباس دینداری و امام جمعه حیا کن نماز را رها کن یان وتووه و دژی دهستوپێوهندهکانی حکوومهتیش دروشمی توندیان وتووهتهوه. بە درێژە کیشانى نارەزایەتى خەڵک فەرماندارى مەریوان چووەتە شوێنى کۆبوونەوەکە و بەڵینى بە خەڵک داوە کە لە سەر سنوور دوو خاڵى پەڕینەوەیان بۆ بکاتەوە و هەروەها خاڵى پشکنینى سەوڵاوا کە بۆ پشکنینى ماشین و خەڵک دانرابوو لاببات. بهپیی بڕیاری خهڵک قەراروایە شهوی ههینی لهسهر شهممه متینگێک لە زرێبار بەرێوە بچێت و خەڵک جارێکى دیکه پشتیوانى خۆیان لە مانگرتنى بازاڕیان و کاسبکارانی مەریوان دەرببڕن و داوا خەڵکى شارەکانى دیکەى کوردستان بکەن کە پشتیوانى لە مانگرتنهکه بکەن . بهپێی ئهو ههواڵانه خهڵکی مهریوان ڕۆژانی شهممه و یهکشهممه منداڵهکانیان نانێرنهوه بۆ خوێندنگهکان و داوایان له کارمهندانی دهوڵهتی کردووه ئهو دوو ڕۆژه مانبگرن و نهچنهوه سهر کار. ههروهها خهڵک بڕیاریان داوه شهوی ههینی له سهر شهممه له کاتژمێر 8 تا 8 و نیوی شهو چرای ماڵيکانیان وهکوو نیشانهیهکی دیکهی ناڕهزایی بکوژێننهوه. هاوکات ههواڵهکان باسی کهش و ههوای توندی نیزامیی خولقێندراو له مهریوان و ئامادهیی هێزه تایبهتییهکانی حکوومهتی ئێران بۆ سهرکوتی خهڵکی ناڕازی دهکهن. کۆمهڵهی زهحمهتکێشانی کوردستان ڕایگهیاندووه چالاکانی کۆمهڵه له مهریوان ڕۆژی پێنجشهممه خهبهرنامهی ژماره یهک و ڕۆژی ههینی خهبهرنامهی ژماره دووی کۆمهڵهیان له سهر مانگرتنهکه له ناو شاری مهریواندا بلاوکردووهتهوه |
|
|
