به‌یاننامه‌ی کۆمیته‌ی سه‌رکردایه‌تی سپای ڕزگاری کوردستان به‌ بۆنه‌ی له‌ سێداره‌دانی   ئیحسان فه‌تاحییان

پاش له‌گه‌ڕدابوونی شه‌پۆلێکی گه‌وره‌ی ناڕه‌زایه‌تی کۆڕ و کۆمه‌ل و ڕێکخراوه‌کان و داکۆکیکارانی مافه‌کانی مرۆڤ  له‌ کوردستان و ده‌ره‌وه‌ی وڵات بۆ هه‌ڵوه‌شاندنه‌وه‌ی سزای له‌ سێداره‌دانی ئیحسان فه‌تاحییان ، سه‌رله‌ به‌یانی رۆژی چوارشه‌ممه‌20ی خه‌زه‌ڵوه‌ری 2709(11ی نۆڤامبری2009) له‌زیندانی ناوه‌ندی شاری سنه‌ حوکمی له‌ سێداره‌دانی جێبه‌جێ کرا.

سه‌پاندن و جێبه‌جێکردنی ئه‌و حوکمه‌ له‌لایه‌ن کاربه‌ده‌ستانی ڕژیمه‌وه‌ بۆ دامرکاندنه‌وی ڕق وقینی خۆیان به‌رامبه‌ر نه‌ته‌وه‌ی کورد وخستنه‌وه‌ی دڵه‌ڕاوکێ له‌نێودڵی چالاکانی سیاسی ومه‌ده‌نی و  پاشه‌کشه‌ پێکردن له‌ خواسته‌ ڕه‌واکانیان وکپ کردنی ده‌نگی ناڕه‌زایه‌تیه‌کان و به‌ئامانجی چاوترسێنکردنی دانیشتوانی کوردستانه‌.

    له‌سه‌ره‌تای هاتنه‌ سه‌رکاری کۆماری ئیسلامی ئێران و په‌لاماردانی کوردستان له‌گه‌ڵ به‌رگری خه‌باتگێڕان ڕوبه‌ڕو بووه‌ و هه‌رده‌م کوردستان سه‌نگه‌ری ئازادیخوازان بووه‌ . دوابه‌دوای په‌ره‌گرتنی ناره‌زاییه‌تییه‌کانی دوای کوده‌تای هه‌ڵبژاردن، زیاتر له‌جاران گوشاره‌کانیان خستووه‌ته‌ سه‌رخه‌ڵکی کوردستان وته‌واو له‌ژێر چاوه‌دیری ئه‌منییه‌تی دایه‌وئێستاکه‌ش کۆمه‌ڵێک له‌چالاکانی سیاسی و مه‌ده‌نی حوکمی له‌سێداره‌دانیان به‌ سه‌ر دا سه‌پاوه‌وله‌ژێرمه‌ترسی جێبه‌جێکردنی حوکمه‌که‌یان دان.

   ئه‌مڕۆ ئه‌رکه‌ له‌سه‌ر شانی هه‌موو خه‌باتگێڕان و جه‌ماوه‌ری کوردستان به‌ یه‌‌کیه‌تی وهاوهه‌ڵوێستی وبه‌رده‌وام بونمان له‌ خه‌بات دنگمان بگه‌ یێنینه‌ هه‌موو ڕێکخراوه‌کانی مافی مرۆڤ و کۆڕو کۆمه‌ڵه‌ نێوده‌وڵه‌تییه‌کان بۆ گوشار خستنه‌ سه‌ر کاربه‌ده‌ستانی ڕژیم بۆ هه‌ڵوه‌شاندنه‌وه‌ی ئه‌و حوکمانه‌.

    کۆمیته‌ی سه‌رکردایه‌تی سپای ڕزگاری کوردستان وێڕای مه‌حکوم کردنی ئه‌و کرده‌وه‌ دژی مرۆڤیه‌ی کۆماری ئیسلامی ، هاوخه‌می خۆی بۆبنه‌ماڵه‌ سه‌ربه رزی ئیحسان فه‌تاحییان و هاوڕێ و هاوسه‌نگه‌رانی و هه‌موو خه‌ڵکی کوردستان ده‌رده‌بڕێ .

سڵاو  بۆ گیانی پاکی شه‌هید ئیحسان و هه‌موو شه‌هیدانی کورد و کوردستان.