|
|
|
|
راگهیاندراوی رۆژنامهنووسی کۆمیتهی سهرکردایهتی سپای رزگاری کوردستان پێشوازی خۆی له بهیاننامهی وهک یهکی 5 حیزبهکهی رۆژههڵاتی کوردستان سهبارهت به 30ههمین ساڵی فهرمانی جیهادی خومهینی دژی گهلی کورد رادهگهیهنێ و ئهو بهیاننامهیه وهک بهیاننامهی خۆی دهردهکات. ههر لهو کاتهشدا، خۆشحاڵی خۆی لهو بڕیاره هاوبهشهی ئهو حیزب و رێکخراوانه دهردهبڕێ و ئاواتهخوازه ئهم رهوتهی دهستی پێکردووه بگاته جێگای شایستهی خۆی و ئاشتهوایی و هاوکاری له نێوان ههموو هێزه سیاسییهکانی کوردستانی لێبکهوێتهوه.
سپای رزگاریی کوردستان ناوهندی راگهیاندن 27ی گهلاوێژی 1388 18/8/2009
بانگهواز... با رۆژی 28 گهلاوێژ وهك رۆژی خۆڕاگری، بهرگری و یهكیهتیی خهڵكی كوردستان ، رێزی لێ بگیری 30 ساڵ لهمهوبهر، له رۆژی 28 گهلاوێژدا، رێژیمی تازه به دهسهڵات گهیشتووی ئێران، به فتوای خومهینی، هێرشێكی نیزامیی ههمهلایهنهی كرده سهر كوردستان و شهڕێكی ناڕهوای به دژی خهڵكی مافخوازی كوردستان، راگهیاند. هاوكات لهگهڵ هێرش بۆ سهر كوردستان، هێرش بۆ سهر دهسكهوتهكانی راپهڕینی 57، به تایبهتی هێرش بۆ سهر چاپهمهنییهكان له تاران و بهشهكانی دیكهی ئێرانی، دهست پێكرد. گهلی كورد كه له سهرهتای هاتنه سهركاری رێژیمی تازهوه خوازیاری چارهسهری سیاسی و هێمنانه بوو، ههموو ههوڵی خۆی خستبووه گهڕ تا له رێگای دیالۆگ و خهباتی مهدهنی و سیاسییهوه بهرگری له مافهكانی بكا، به راگهیاندنی ئهم فتوایه، كهوته سهر دوو رێیانێكی سهخت و بڕیارێكی مێژویی: تهسلیم بوون یان خۆڕاگری له بهرانبهر شهڕێكی داسهپاو و نهخوازراو و نابهرابهردا؟ خهڵكی كورد و هێزه سیاسییهكانی كوردستان سهرهڕای ههموو ناتهیاری و نائامادهییهكهوه، یهكدهنگ و یهكپارچه، بڕیاری داكۆكی له مافی نهتهوهیی و ههقی ئینسانیی خۆیان ههڵبژارد. بهمجۆره و بهم بڕیاره، ویست و ئیرادهی مێژوویی خهڵكی كوردستان بۆ رزگاری، حهماسهیهكی ئهوتۆی خوڵقاند و یهكیتییهكی سهرانسهریی ئهوتۆی هێنایه سهر شانۆی سیاسیی كوردستان كه سی ساڵ سهركوت، قهڵاچۆكردن، كوشتوبڕ و تاڵان و بڕۆی كۆماری ئیسلامیی ئێران، نهك ههر نهیتوانیوه ئیرادهی ئهم گهله تێك بشكێنێ، بهڵكوو شانازی، غورور و سهربهرزیی بهو گهله بهخشیوه و رۆژی 28 گهلاوێژی كردۆته رۆژێكی نهتهوهیی و مێژوویی له خۆڕاگری و بهرگریدا. ئێستا دوای سێ دهیه پهلامار و هێرشی نیزامی، ئێعدامی بهكۆمهڵی تێكۆشهران و لاوانی ئهم گهله، قهتڵی عام و كاولكردنی دێهاتی كوردستان، كردنی شهقام و كۆڵانی شارهكان به پادگانی هێزی داگیركهر و تۆپباران و بۆمبارانی شوێنی ژیان و مووچه و مهزرای خهڵك، كوشتار و تیرۆری چالاكوانان و رێبهرانی سیاسی، درێژكردنی دهستی تاوان و شهڕ و جینایهت بۆ ههموو شار و لادێ و تهنانهت بۆ ماڵانی خهڵكی كوردستان، بووه به سیاسهتی بهردهوامی ئهم رێژیمه. بهڵام ئهمڕۆ گهلی كورد پشت ئهستوور به ئهزموونی 30 ساڵ خهبات و بهرهنگاری، وشیارتر له رابردوو، خهباتهكهی به شێوازی جۆراوجۆر له پانتایی كوردستاندا پهره پێداوه و هاوسۆزیی زیاتری گهلانی ئێران و جیهانی بۆلای خۆی، راكێشاوه. كۆماری ئیسلامییش دژایهتیی زۆرتری خهڵكی ئێران و تهریك كهوتهیی بێوێنهی جیهانی و ئالۆزی و ناكۆكیی ناوخۆیی بووهته نهسیبی. پاش تێپهر بوونی سی ساڵ به سهر ئهم رۆژه مێژووییهدا، جێگهی خۆیهتی كه ههموو تێكۆشهرانی كوردستان، ههم بۆ ئاشناكردنی نهسله نویێیهكان بهم ههڵوێسته نهتهوهییهی ئهوكات و ههم بۆ پهرهپێدان و بههێزكردنی یهكڕیزی و یهكگرتوویی له نێو ریزهكان و سهنگهرهكانی خهبات و بهرخۆدانی كۆڵنهدهرانهی خهڵكی كوردستان دا، ئهم رۆژه وهك خۆڕاگری، بهرگری و یهكێتیی نهتهوهیی گهلی كورد له رۆژههڵاتی كوردستان، بناسێنن. پێویسته وێڕای رێزگرتن له شههیدانی كوردستان و رۆڵی پێشڕهوانهیان لهخهبات به دژی رێژیمی دیكتاتۆر و كۆنهپهرستی ئێران دا، هاوخهباتیی بزووتنهوهی رزگاریخوازانهی كوردستان لهگهڵ بزووتنهوهی ئازادیخوازانهی سهرانسهری له ههلومهرجی ئێستا دا كه خهڵكی راپهڕیو له ستهم و دیكتاتۆری و بێ مافی هاتوونه سهرشهقامهكان و به شێوهیهكی دڕندانه سهركوت دهكرێن، پێشان بدهنهوه. خهباتی مافخوازانهی گهلی كورد له ساڵوهگهڕی 28ی گهلاوێژدا پێویسته به هێز و وزهیهكی تازهوه بهرهوڕووی دیكتاتۆریی كۆماری ئیسلامی بێتهوه و لهم ههلومهرجهی به زیانی رێژیمی دهسهڵاتدار و به قازانجی بزووتنهوهی ئازادیخوازی پێكهاتووه، بۆ ناساندن و چهسپاندنی زیاتری ویست و داخوازهكانی گهلی كورد له ئاستی ئێران و جیهاندا كهڵك وهربگرێ. له سیههمین ساڵوهگهڕی 28 گهلاوێژ و شهڕی داسهپاو و بهرگریی جهماوهریی خهڵكی كوردستاندا : بۆ رێزگرتن له شههیدان و قوربانیانی 30 ساڵ بهرهنگاربوونهوهی نهتهوهیهكی ستهملێكراو، بۆ دهربڕینی بێزاری له شهڕی داسهپاو و كردهوهی دژه مرۆڤانهی كۆماری ئیسلامی، بۆ پێداگری لهسهر ویستی ئازادی، دێمۆكراسی و مافی مرۆڤ بۆ ههموو هاونیشتمانان، بۆ رێزگرتن له یهكێتی و خۆڕاگریی خهڵكی كوردستان و بۆ دهربرینی هاوپێوهندی لهگهڵ خهباتی ههموو خهڵكی ئێران و پشتیوانی له داخوازهكانی بزووتنهوهی دێمۆكراسیخوازی و دژه دیكتاتۆریی ئێستا، رادهگهیهنین و داوا دهكهین كه: ـ رۆژی 28 گهلاوێژ بكرێته رۆژی خۆراگری، بهرگری و هاوپێوهندیی خهڵكی كوردستان. ـ لهو رۆژهدا ههموو خهڵكی شار و دێهاتی كوردستان و كوردانی دهرهوهی وڵات، رێز له 3 دهیه خهبات و خۆراگریی گهلی كورد دژی كۆماری ئیسلامی بگرن و ئیعتیراز و بێزاریی خۆیان لهم رێژیمه به ههر شێوهیهك كه دهتوانن دهرببرن. له حیزب و رێكخراوه سیاسییهكان و كهسایهتییه خهباتگێڕهكانی ئێرانیش داوا دهكهین بۆ رێزگرتن له 30 ساڵ خهبات و خوڕاگریی خهڵكی كوردستان و قوربانیدانی ئهم گهله له پێناوی ئازادی و دێموكراسی و مافه رهواكانی خۆیان و هاونیشتمانانیاندا، دا پشتیوانی لهم بانگهوازه بكهن.
بژی ئازادی و دێمۆكراسی، مهرگ و نهمان بۆ كۆماری ئیسلامیی ئێران سهركهوتووبێ خهباتی رزگاریخوازانهی خهڵكی كوردستان و هاوپێوهندی و هاوخهباتیی گهلیكورد لهگهڵ گهلانی دیكهی ئێران
کۆمیتهی سهرکردایهتی سپای رزگاری کوردستان
www.spayrzgari.com E-mail: sr.kurdistan@gmail.com E-mail: spayrzgari@yahoo.com Kurdistan Mobil: 07507825750 INT: + 964 750 7825750
|
